काठमाडौं । धरान उपमहानगरपालिकाका मेयर हर्क साम्पाङले केही दिनअघि काठमाडौ आएका बेला प्रधानमन्त्री एवं नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई धरान निमन्त्रणा गरेका थिए । उनले धरानको विकास गर्न होइन, विकास गर्नका लागि ढुंगा बोक्न बोलाएका हुन् ।
साम्पाङ दैनिकजसो वृक्षा रोपण, खानेपानीको मुहान सरसफाइ, त्यसका लागि पाइप विच्छ्याउने लगायत काममा आफूलाई व्यस्त राखेका छन् । त्यसैले उनले काठमाडौं आएका बेला पनि मुख्य दलका शीर्ष नेतालाई निमन्त्रण गरेका थिए ।
उनको निम्तोलाई स्वीकार गर्दै माओवादी केन्द्रका अध्यक्ष प्रचण्ड आज शुक्रबार धरान पुगे । प्रचण्ड बिहान जहाजबाट विराटनगर उत्रिएपछि धरान पुगेर वृक्षारोपण गरेका हुन्। प्रचण्ड सर्दुखोला जलाधार क्षेत्रमा पुगेर साम्पाङले भने जस्तो ढुंगा त बोकेनन् तर विरुवा रोपे ।
विरुवा रोप्ने क्रममा धरानका मेयर हर्क साम्पाङ र उपमेयर अइन्द्रविक्रम वेघा पनि सहभागी भए। धरान पुगेर उनले बृक्षा रोपक्षमा सहभागि भए । प्रचण्ड धरान पुगेर प्रदेश १ को केन्द्रीय कमिटी सदस्यहरुको बैठकमा सहभागी हुनेछन्।