Sajha Post
बंगलादेशसित हारेपछि कुमार थापाले प्रशिक्षक पद त्यागे
saff_women_nepal
nepatop
काठमाडौं ।नेपाली राष्ट्रिय महिला फुटबल टोलीको मुख्य प्रशिक्षक कुमार थापाले राजीनामा दिएका छन्। साफ महिला फूटबलको फाइनलमा बंगलादेशसंग हारेपछि थापाले पद त्यागेको घोषणा गरेका हुन । दशरथ  रंगशालामा बंगलादेश र नेपालबीचको खेल सकिएपछि पत्रकार सम्मेलन गर्दै थापाले टिम छाडेको घोषणा गरे । पाँचौपटक फाइनलमा पुगेको टिम बंगलादेशसँग ३–१ ले पराजीत भएसँगै उनले टिम छाड्दै भने, ‘जीत दिलाउन सकिन त्यसमा दुःखी छु। आजैको दिनदेखि यो टिम छोड्छु । ’  उपाधि जिताउन नसकेकोमा उनले माफी मागेका छ्न । त्रिपुरेश्वरस्थित दशरथ रंगशालामा भएको फाइनल खेलमा नेपाललाई ३–१ ले पराजित गर्दै बगंलादेशले उपाधि उचालेको हो। दोस्रो पटक साफको फाइनल पुगेको बगंलादेशले उपाधि जित्यो । यसअघिका चार संस्करण उपाधि नजिक पुगेर भारतसँग पराजित हुँदै  उपविजेतामा सिमित नेपाली टोली यो पटक पनि अर्को टिमसंग हार्यो ।
प्रकाशित मिति: सोमबार, असोज ३, २०७९  २०:३३
प्रतिक्रिया दिनुहोस्
Weather Update