काठमाडौं । कपनको एक घरमा भीषण आगलागी हुँदा ज्यान गुमाउनेको संख्या तीन पुगेको छ । सिलिन्डर पड्केर आगो लाग्दा थप २ जनाको मृत्यु भएको हो ।काठमाडौंका प्रहरी प्रमुख भरतबहादुर बोहोराका अनुसार मृतकको पहिचान हुनसकेको छैन ।
राममन्दिर नजिकै रहेको एक ट्रेकिङ अफिसमा बुधबार साँझ आगलागी भएको थियो । कार्यालयमा रहेको अक्सिजन सिलिण्डरहरु पड्किएर ठूलो क्षति भएको छ ।
घरको माथिल्लो तलामा रहेकाहरुको उद्धार गरिएको छ ।दमकल र सुरक्षाकर्मीको सहयोगमा आगो नियन्त्रणमा लिइएको छ ।
