Sajha Post
रुकुमपूर्वको भूमेमा बस दुर्घटना हुँदा पाँच जनाको मृत्यु, १३ जना घाइते
Waling_Geep_Acc
nepatop

काठमाडौं । रुकुमपूर्वको भूमे गाउँपालिका–३ क्याङ्सी बगरमा भएको बस दुर्घटनामा पाँच जनाको मृत्यु भएको छ। काठमाडौंबाट रुकुमकोटका लागि छुटेको ग १ ख ९१०९ नम्बरको बस बिहीबार दुर्घटना हुँदा घटनास्थलमा पाँचको मृत्यु भएको जिल्ला प्रहरी कार्यालय रुकुमपूर्वका प्रहरी नायब उपरीक्षक प्रकाश डाँगीले जानकारी दिए । मृतकको सनाखत हुन बाँकी छ। बसमा सवार १७ मध्ये १३ जना घाइते भएका र तीनको अवस्था गम्भीर रहेको प्रहरीले जनाएको छ । घाइते सबैको रुकुमपूर्व अस्पतालमा उपचार भइरहेको प्रहरी नायब उपरीक्षक डाँगीले बताए । घाइतेलाई हेलिकप्टरबाट उपचारका लागि लैजाने पहल भएको छ। नेपाली सेनाको नरसिङ दल गुल्म रुकुमपूर्वका सेनानी बाबुलाल जिसीले घाइतेको उपचारका लागि सुर्खेतबाट हेलिकप्टर ल्याउने तयारी भइरहेको जानकारी दिए ।

प्रकाशित मिति: बिहीबार, असोज ६, २०७९  १८:५४
प्रतिक्रिया दिनुहोस्
Weather Update