एजेन्सी । लेबनानबाट आप्रवासी बोकेको एउटा डुङ्गा सिरियाको तटमा पल्टिँदा ३४ जनाको मृत्यु भएको सिरियाली सरकारी सञ्चारमाध्यमले जनाएको छ । लेबनानी, सिरियाली र प्यालेस्टाइनीहरू संकटग्रस्त क्षेत्र लेबनानबाट भागेर युरोप जाने प्रयास गर्दा यस्तो दुखद् घटना भएको बताइएको छ ।
सिरियाको सरकारी टेलिभिजनले सिरियाली स्वास्थ्य मन्त्रालयलाई उद्धृत गर्दै उक्त घटनामा ३४ जनाको मृत्यु भएको र बाँचेका २० जनाको तटीय सहर टार्टसको अल–बासेल अस्पतालमा उपचार भइरहेको बताएको छ । धेरैजसो आप्रवासीहरू लेबनानी र सिरियालीहरू रहेको र केही बिना परिचय पत्रका फेला परेको बताइएको छ ।
राज्य मिडियाले एक जिवित व्यक्तिलाई उद्धृत गर्दै भनेको छ, ‘डुङ्गाले १५० जनाभन्दा बढी मानिसहरू बोकेका थियो, जसले समुद्रमा १ सयभन्दा बढी आप्रवासीहरू अझै बेपत्ता हुनेछन् । टार्टसका गभर्नर अब्दुलहलिम खलिलले अस्पतालमा बाँचेका २० जनालाई भेटेको बताएका छन् । कति जना सवार थिए र तिनीहरू कहाँ जाँदै थिए भन्ने अझै स्पष्ट नभएको बताइएको छ । तर तटरक्षकहरूले अझै पनि शवहरूको खोजी गरिरहेको बलाइका छन् ।
राज्य मिडियाले बाँचेकाहरूलाई उद्धृत गर्दै भनेका छन्, ‘उनीहरूले केही दिनअघि लेबनानको तटीय शहर मिन्येहबाट युरोप पुग्ने लक्ष्य लिएमा थिए । उक्त डुंगामा विभिन्न देशका मानिस सवार रहेको बताइएको छ ।
