Sajha Post
नागरिकता विधेयकमा असन्तुष्ट लोसपाले एमालेसँग चुनावी तालमेल गर्न कार्यदल बनायो 

काठमाडौं । लोकतान्त्रिक समाजवादी पार्टी लोसपाले एमालेसहित विचार मिल्ने अन्य पार्टीहरूसँग चुनावी तालमेल गर्ने भएको छ । तालमेलबारे छलफल गर्न लोसपाले कार्यदल गठन गरेको छ । 

अध्यक्ष महन्थ ठाकुरले आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनमा चुनावी तालमेलबारे छलफल गर्न वरिष्ठ नेता राजेन्द्र महत्तोको संयोजकत्वमा ६ सदस्यीय कार्यदल गठन गरेका हुन् ।

कार्यदलमा शरतसिंह भण्डारी, अनिलकुमार झा, सर्वेन्द्रनाथ शुक्ल, लक्ष्मणलाल कर्ण र जितेन्द्र सोनल सदस्य छन् । कार्यदल गठन गर्दै अध्यक्ष ठाकुरले एमालेसहित अन्य विचार मिल्ने पार्टीहरूसँग सहकार्य गर्ने वातावरणका लागि छलफल गर्ने जिम्मेवारी दिएका छन् ।

nepatop

LOSAPA1663940460.jpg

लोसपाले यसअघि सत्ता गठबन्धनमा सामेल हुन लामो समयसँग गृहकार्य गरेको थियो । तर गठबन्धन दलले महत्व नदिएपछि  लोसपा सत्ता गठबन्धनमा सामेल हुन पाएन । तर नेपाली कांग्रेसका सभापति एवम् प्रधानमन्त्री शेरबहादुर देउवाले भने लोसपालाई गठबन्धनमा सामेल गर्ने प्रयास छोडेका छैनन् ।

प्रकाशित मिति: शुक्रबार, असोज ७, २०७९  १९:३१
प्रतिक्रिया दिनुहोस्
Weather Update