काठमाडौं । विश्व स्वास्थ्य संगठन(डब्ल्यूएचओ)ले भारतको मेडन फर्मास्युटिकल्स कम्पनीले उत्पादन गरेको बच्चालाई खुवाउने रुघाखोकीको औषधि प्रयोग नगर्न सुझाव दिएको छ ।
गाम्बियामा रुखाखोकीको औषधि खाँदा ६६ जना बालबालिकाको त्यही औषधिकै कारण ज्यान गएको हुनसक्ने भन्दै डब्ल्यूएचओले औषधि प्रयोग नगर्न सुझाव दिएको हो ।
‘डब्ल्यूएचओले आज गाम्बियामा पाइएका चार औषधिलाई लिएर चेतावनी जारी गरेको छ, जसबाट मिर्गौलामा गम्भीर असर र ६६ बच्चाको मृत्युसँग सम्बन्धित छ । यो मृत्यु अत्यन्त दुःखदायी छ ।’ बुधबारको मिडिया ब्रिफिङमा भनिएको छ,
डब्ल्यूएचओले सबै देशलाई मेडन फर्मास्युटिकल्स कम्पनीका रुघाखोकीका औषधि प्रयोग नगर्न र जाँच गर्न पनि सुझाव दिएको छ ।
डब्ल्यूएचओले अगाडि भनेको छ, ‘यी चार औषधि कफ र कोल्ड सिरप हुन्, जुन भारतमा मेडन फर्मास्युटिकल्स लिमिटेडले बनाउँछ । डब्ल्यूएचओले यसको जाँच गरिरहेको छ । यो दूषित उत्पादन हालसम्म गाम्बियामा मात्र पाइएको छ । तर अन्य देशमा पनि वितरण भएको हुनसक्छ ।’
डब्ल्यूएचओका अनुसार ती औषधिमा डाइथिलिन ग्लाइकोल र एथिलिन ग्लोइकोलको मात्रा मिलेको छैन ।
