सुर्खेत । नेकपा एमालेका अध्यक्ष केपी शर्मा ओलीले आइतबार दैलेखमा आयोजित चुनावी सभालाई सम्बोधन गर्दै थिए । कार्यकर्ताले ‘भीम रावल खै’ भन्दै प्रश्न गरे । पटक-पटक कार्यकर्ताले भीम रावल भनेपछि ओली झोक्किए ।
भीम रावलको नाम लिनेहरुलाई ओलीले जवाफ फर्काए, ‘चुप लागेर बस्नुस् । भीम रावलको माया लाग्या भए अछाम त्यहीँ पारिपट्टि छ, जानुस् ।’
अछामबाट सर्वसम्मत सिफनरिसमा परेका रावल ओलीका चर्को आलोचक हुन् । त्यसैले ओलीले उनलाई टिकट दिएनन् । अहिले हरेक चुनावी सभाहरुमा रावलको खोजी हुन थालेको छ । यसरी रावललाई खोज्नेहरुप्रति ओली रुष्ट हुन थालेका छन् ।
यसअघिका दार्चुलालगायत अन्य केही कार्यक्रममा समेत कार्यकर्ताले भीमरावलबारे ओलीसँग सोधिखोजी गर्दै आएका छन् ।