शुक्रबार, चैत १६ गते २०८०
Logo
शुक्रबार, चैत १६ गते २०८०

पूर्वी नवलपरासी–२ : २०४८ देखिको विरासत जोगाउने र भत्काउने बीचको टक्कर

पूर्वी नवलपरासी–२ : २०४८ देखिको विरासत जोगाउने र भत्काउने बीचको टक्कर

साझा पोष्ट
सोमबार, कात्तिक २८ २०७९
  • images
    पूर्वी नवलपरासी–२ : २०४८ देखिको विरासत जोगाउने र भत्काउने बीचको टक्कर
    images

    कावासोती । पूर्वी नवलपरासी क्षेत्र नं २ मा पुरानै अनुहारबीच प्रतिस्पर्धा देखिएको छ । यहाँ सत्ता गठबन्धनका तर्फबाट नेपाली कांग्रेसका विष्णुकुमार कार्की तथा नेकपा एमालेका तिलबहादुर महत क्षेत्रीबीच प्रतिस्पर्धा हुँदैछ । 


    images
    images

    कांग्रेसका उम्मेदवार कार्की ३१ वर्ष लामो एमालेको विरासत भत्काएर नतिजा आफ्नो पक्षमा पार्ने प्रयासमा छन् भने एमालेका महत आफ्नो पुरानो विरासत जोगाउँदै दोस्रो पटक जितेर संसद् प्रवेश गर्ने दाउमा छन् । २०४८ देखि त्यस क्षेत्रमा निरन्तर एमालेले  जित्दै आएको छ ।

    विसं २०७४ को चुनावमा एमालेका महतले कांग्रेसका कार्कीलाई एक हजार तीन सय तीन मतान्तरले पराजित गरेका थिए । तत्कालीन समयमा महतले ३९ हजार ५३ मत प्राप्त गर्दा कार्कीले ३७ हजार सात सय २० मत प्राप्त गरेका थिए । 

    अहिले सन्दर्भ बदलिएको छ । त्यस बेला महतलाई भोट हालेको नेकपा माओवादी केन्द्रले यस पटक गठबन्धनका कार्कीलाई भोट हाल्नेछ भने एमाले फुटेर बनेको नयाँ दल नेकपा एकीकृत समाजवादी पनि कांग्रेसकै साथमा छ । 

    पाँच वटा स्थानीय तह र ४०  वडा रहेको सो निर्वाचन क्षेत्रमा गत वैशाखमा सम्पन्न स्थानीय निर्वाचनमा एमालेले २२, कांग्रेसले १६ र  माओवादी केन्द्र र राप्रपाले एक÷एक वडा जितेका थिए भने स्थानीय तहको निर्वाचनमा वडाध्यक्षहरुले पाएको मतको हिसाब हेर्दा एमालेले ४२ हजार पाँच सय, कांग्रेसले ३८ हजार पाँच सय ८७, माओवादीले एक हजार सात सय ४२, राप्रपाले दुई हजार तीन सय ६५ मत प्राप्त गरेका छन् । 

    सत्ता गठबन्धन, एमाले र राप्रपासहित अन्य स्वतन्त्र उम्मेदवार एक्लाएक्लै मैदानमा रहेकाले यो निर्वाचन क्षेत्रमा स्थानीय निर्वाचनपछि थपिएका नयाँ मतदाताको रुझान पनि आफ्नो पक्षमा रहेको जनाउँदै पहिलो पटक जित निकाल्ने कांग्रेसका कार्कीको दाबी छ । 

    एमालेका महत भने विरासत जोगाएर दोस्रो पटक संसद्मा प्रवेश गर्ने दाउमा छन् । कूल एक लाख २९ हजार दुई सय ८० मतदाता रहेको यो क्षेत्रमा सत्ता गठबन्धनका कार्की र एमाले उम्मेदवार महतबीच रोचक प्रतिस्पर्धा हुने देखिएको छ ।

    प्रतिक्रिया हरु
    साताको लोकप्रीय
    थप समाचार