Sajha Post
सप्तरीका दुबै प्रदेश सभामा सिके राउतको पार्टीका उम्मेदवारको फराकिलो जित

काठमाडौं। सिके राउत नेतृत्वको जनमत पार्टीका उम्मेदवार सप्तरी क्षेत्र नं २ का दुबै प्रदेश सभामा भारी मतले निर्वाचित भएका छन् । 

सप्तरी २ को प्रदेश सभा १ मा सतिशकुमार सिंहले १६ हजार ७ सय ४३ मत ल्याएर निर्वाचित भएका छन् । उनले आफ्ना प्रतिस्पर्धी जसपाका शैलेन्द्रप्रसाद साहको भन्दा दोब्बर बढी मत ल्याए । साहले ८ हजार २ सय ८२ मत ल्याएका छन्। तेश्रोमा रहेका लोसपाका सरोजकुमार मण्डलले ६ हजार १ सय ३२ मत ल्याएका छन्।

त्यस्तै सप्तरी प्रदेश सभा २ मा महेशप्रसाद यादव निर्वािचत भएका छन्। जनमत पार्टीका यादवले १३ हजार ३ सय २५ मत ल्याउँदा नेकपा माओवादी केन्द्रका उमेश यादवले ७ हजार २३ मत पाए । जसपाका लक्ष्मण यादवले ५ हजार ६ सय २१ मत ल्याएका छन्।

nepatop

यो क्षेत्रमा प्रतिनिधि सभामा पनि सिके राउत जसपाका अध्यक्ष उपेन्द्र यादवभन्दा दोब्बर मतले अघि छन्। 

प्रकाशित मिति: मंगलबार, मंसिर ६, २०७९  १५:०२
प्रतिक्रिया दिनुहोस्
Weather Update