काठमाडौं । प्रदेश १ को पहाडी जिल्ला ओखलढुंगाबाट सत्ता गठबन्धनका उम्मेदवार निर्वाचित भएका छन् । गठबन्धनबाट उमेदवार नेपाली कांग्रेसका केन्द्रीय सदस्य रामहरि खतिवडाले चुनाव जितेका हुन् ।
खतिवडाले नेकपा एमालेका यज्ञराज सुनुवारलाई पराजित गरे । खतिवडाले ३३ हजार ५५६ मत प्राप्त गरे । उनका निकटतम प्रतिद्वन्द्वी एमालेका सुनुवारले २६ हजार ७३८ मत प्राप्त गरेका छन् ।
खतिवडा ०७४ को निर्वाचनमा सुनुवारसँग पराजित भएका थिए । ०७० को निर्वाचनमा भने २ निर्वाचन क्षेत्र भएको जिल्लामा खतिवडा र सुनुवार दुवैले जितेका थिए ।