काठमाडौं । काभ्रेको प्रतिनिधि सभा २ मा नेकपा एमालेका गोकुल बास्कोटा निर्वाचित भएका छन्। सत्ता गठबन्धनबाट नेपाली कांग्रेसका उम्मेदवार शिवप्रसाद हुमागाँईलाई ५ हजार ८६३ मतान्तरले पराजित गर्दै बास्कोटा निर्वाचित भएका हुन्।
बास्कोटाले ४५ हजार ३४५ प्राप्त गर्दा उनका निकटतम् प्रतिद्वन्द्वी कांग्रेस नेता हुमागाँईले ३९ हजार ४८२ मत ल्याएका छन्। राष्ट्रिय स्वतन्त्र पार्टीका दिनेश हुमागाईले १० हजार ५७३ मत प्राप्त गरे । बास्कोटा काभ्रे २ बाट लगातार दोस्रो पटक निर्वाचित भएका हुन् ।