काठमाडौं । रुपन्देहीको प्रतिनिधिसभा क्षेत्र नम्बर १ मा नेकपा एमालेका छविलाल विश्वकर्मा विजयी भएका छन् । उनले स्वतन्त्र उम्मेदवार तथा पूर्व एमाले नेता घनश्याम भुसाललाई ३ हजार ५ सय ६४ मतले पछि पारे ।
छविलालले २४ हजार ८७२ मत ल्याएका छन् । सत्ता गठबन्धनको समर्थनमा उठेका भुसालले २१ हजार ३०८ मत ल्याएका छन् ।
एमाले सचिव विश्वकर्मा यसअघि पनि यही क्षेत्रबाट चुनाव जितेर जितेर मन्त्री बनेका थिए ।