धनगढी । कैलालीको घोडाघोडी नगरपालिकामा जनप्रतिनिधि र सरकारी कर्मचारीबीच कुटाकुट भएको छ । सँगै बसेर मदिरा सेवन गरेपछि जनप्रतिनिधि र सरकारी कर्मचारीबीच कुटाकुट भएको हो ।
वडानम्बर १ का वडाध्यक्ष घनश्याम ओझाले प्रमुख प्रशासकीय अधिकृतको सरकारी निवासमा तोडफोड समेत गरेका छन् ।
गए राति घोडाघोडी नगरपालिका मेयर खड्कबहादुर रावतसहित केही वडाका वडाध्यक्षले प्रमुख प्रशासकीय अधिकृत दिपककुमार आचार्यको सरकारी निवासमा मदिरा सेवन गरेका थिए । सोही क्रममा आपसमा विवाद हुँदा उनीहरुबीच हात हालाहालको अवस्था सिर्जना भएको थियो ।
मेयर रावत र प्रमुख प्रशासकीय अधिकृत आचार्यबीच विवाद हुँदा वडानम्बर १ का वडाध्यक्ष घनश्याम ओझाले लात्ताले हानेर टेबुल फुटाइदिएका छन् । प्रहरीले घटनाको अनुसन्धान भइरहेको जनाएको छ ।