काठमाडौं । नेकपा एकीकृत समाजवादीका सम्मानित नेता झलनाथ खनाल पराजित भएका छन् । नेकपा एमालेका उम्मेदवार महेश बस्नेतले पूर्वप्रधामनमन्त्रीसमेत रहेका एकीकृत समाजवादीका सम्मानित नेता खनाललाई २ हजार ९५७ मतान्तरले पराजित गरेका हुन् ।
निर्वाचन आयोगले यसको औपचारिक घोषणा गर्न बाँकी छ । खनाल इलाम १ बाट सत्ता गठबन्धनका साझा उम्मेदवार बनेका थिए । निर्वाचनमा पराजित भएसँगै उनी अन्तिम मत परिणाम आउनु अघि नै काठमाडौं फर्किदै छन् ।
संघमा नेता खनाल पराजित हुने भए पनि प्रदेशतर्फ नेकपा एसकी खिनु लिनुङ्वा र समसेर राई अगाडि छन् ।
