काठमाडौं । कतार विश्वकप फुटबलमा आज पनि चार खेलहरु हुँदैछन् । आज समूह ‘जी’ र समूह ‘एच’ का दुई दुई खेलहरु हुनेछन् ।
पहिलो खेलमा समूह ‘जी’ मा रहेको क्यामरुन र सर्बिया बीच प्रतिस्पर्धा हुनेछ । क्यामरुन र सर्बिया दुबै पहिलो जितको खोजीमा हुनेछन् । यी दुई टिमबीचको खेल अल जानौबी स्टेडियममा दिउँसो ३ः४५ मा हुनेछ ।
सर्बिया पहिलो खेलमा ब्राजिलसँग २-० गोल अन्तरमा पराजित भएको थियो भने क्यामरुन पहिलो खेलमा स्विट्जरल्यान्डसँग १-० ले पराजित भएको थियो ।
दोस्रो खेलमा समूह ‘एच’ को दक्षिण कोरिया र घाना बीच प्रतिस्पर्धा हुनेछ । यी दुई टोली पनि पहिलो जित निकाल्न एजुकेशन सिटी स्टेडियममा साँझ ६ः४५ मा खेल्ने छन् ।
घाना पहिलो खेलमा पोर्चुगलसँग ३-२ को अन्तरले पराजित भएको हो । दक्षिण कोरियाले उरुग्वेसँग गोल रहित बराबरी खेलेको थियो ।
तेस्रो खेलमा ब्राजिल र स्विट्जरल्यान्ड बीच प्रतिस्पर्धा हुनेछ । ब्राजिल र स्विट्रल्याण्ड दोस्रो जितको खोजीमा स्टेडियम ९७४ मा राति ९ः४५ मा खेल्ने छन् । पहिलो खेलमा ब्राजिलले सर्बियालाई २-० गोलले पराजित गरेको थियो । स्विट्जरल्यान्डले भने क्यामरुनलाई पराजित गरेको थियो ।
त्यस्तै चौंथो खेलमा पोर्चुगलले उरुग्वेको सामना गर्नेछ । समूह ‘जी’ मा रहेको पोर्चुगल र उरुग्वे बीचको खेल राति १२ः४५ मा सुरु हुनेछ । पोर्चुगल लगातार दोस्रो जितको योजनामा रहेको छ । उरुग्वे पनि पहिलो जितको योजनामा रहेको छ ।
