काठमाडौं । काठमाडौंको थापाथलीस्थित सुकुम्वासी बस्तीको स्थिति तनावग्रस्त बनेको छ । काठमाडौं महानगरपालिकाले सुकुम्वासी बस्ती हटाउन खोजेपछि स्थानीय प्रतिकारमा उत्रिएका छन् । झडपका कारण त्यस क्षेत्र युद्ध मैदानजस्तो भएको छ ।
महानगरका करिब ३०० नगर प्रहरी सुकुम्वासी बस्ती हटाउन परिचालित भएका छन् । महानगरको कदमको विरोध गर्दै सुकुम्वासीले नारावाजी गर्दै प्रहरीमाथि ढुंगामुढा प्रहार गरेका छन् । उनीहरुले टायर बालेर प्रदर्शन गरिरहेका छन् ।
सुकुबासी बस्तीभित्र प्रहरी छिर्न लाग्दा स्थानीय र प्रहरीबीच ढुंगा हानाहान भएको हो। बागमती सभ्यता सर्वाधिकार सम्पन्न समितिले सुकुम्बासी बस्ती हटाउन प्रहरी परिचालन गरेको हो। बस्ती खाली गर्न समय दिए पनि अटेर गरेपछि प्रहरीको सहयोगमा डोजर लगाइएको हो ।