काठमाडौं । ब्राजिल र पोर्चुगल कतारमा जारी फिफा विश्वकप फुटबलको राउण्ड अफ १६ मा प्रवेश गरेका छन ।
गएराति भएको खेलमा ब्राजिलले स्वीट्जरल्याण्ड र पोर्चुगलले उरुग्वेलाई हराउँदै नकआउट चरण प्रवेश गरेका हुन ।
समूह एचको पोर्चुगलले नकआउट चरण प्रवेश गर्ने क्रममा दुई पटकको विजेता उरुग्वेलाई २-० ले हरायो । उसको जितमा दुबै गोल ब्रुनो फर्नाण्डेसले गरे । खेलको ५४ औं मिनेटमा ब्रुनोले गोल गर्दै पोर्चुगललाई सुरुआती अग्रता दिलाएका थिए ।
त्यसपछि खेलको इन्जुरी समयमा ब्रुनोले पेनाल्टीबाट व्यक्तिगत दोस्रो गोल गर्दै पोर्चुगललाई जित दिलाए ।
पोर्चुगलले २ खेलमा ६ अंक जोडेर शीर्ष स्थानमा छ । पोर्चुगल शीर्ष स्थानमा छ ।उरुग्वे १ अंक जोडेर पुछारमा छ । यस हारसँगै उरुग्वेको नकआउट चरण पुग्ने सम्भावना कमजोर बनेको छ ।
यस्तै समूह जी अन्तर्गतको खेलमा पाँच पटकको विजेता ब्राजिलले स्वीट्जरल्याण्डमाथि संघर्षपूर्ण १ ० को जित निकालेर नकआउट चरणमा पुग्यो ।
ब्राजिललाई जित दिलाउन कासिमिरोले निर्णायक गोल गरे । उनले खेलको ८३ औं मिनेटमा निर्णायक गोल गरे ।त्यसअघि ६४ औं मिनेटमा भिनिसियस जुनियरले गोल गरेका थिए ।तर, भीएआरको सहायताले उनको गोललाई अफसाइड दिईएको थियो ।यस जितसँगै ब्राजिलले २ खेलमा २ जितसहित ६ अंक जोडेको छ र समूहको शीर्ष स्थानमा छ । स्विट्जरल्यान्ड २ खेलमा ३ अंक जोडेर दोस्रो स्थानमा छ ।
