काठमाडौं । नेकपा एकीकृत समाजवादीले सत्ता गठबन्धनलाई निरन्तरता दिने भएको छ । चुनावी परिणामबारे छलफल गर्न बसेको सचिवालय बैठकले गठबन्धनलाई कायम राखेर जाने निर्णय गरेको हो ।
एकीकृत समाजवादीका प्रचार विभाग प्रमुख जगन्नाथ खतिवडाले अहिलेको सत्ता गठबन्धनलाई निरन्तरता दिने भावनाबाट अगाडि बढ्ने निष्कर्ष निकालिएको जानकारी दिए । सरकार गठनका लागि गठबन्धनको बहुमत पनि पुग्ने नेकपा एसको अनुमान छ ।
मंसिर ४ गते भएको प्रतिनिधि र प्रदेशसभा निर्वाचनलाई चित्त बुझाउनको विकल्प नभएको उनको भनाइ छ । एकीकृत समाजवादीले प्रतिनिधि सभाको प्रत्यक्षतर्फ १० सिट जितेको छ भने समानुपातिकमा थ्रेसहोल्ड कटाउन संघर्ष गरिरहेको छ ।