काठमाडौं । इंग्ल्यान्ड कतारमा जारी फिफा विश्वकप फुटबलको नकआउट चरणमा प्रवेश गरेको छ ।
मंगलबार राति भएको खेलमा वेल्सलाई ३-० ले हराउँदै इंग्ल्यान्ड राउण्ड अफ १६ मा प्रवेश गरेको हो ।
इंग्ल्यान्डलाई जिताउन मार्कुस रासफोर्डले दुई गोल गरे ।फिल फोडेनको नाममा एक गोल रह्यो ।खेलको ५० औं मिनेटमा रासफोर्डले गोल गर्दै इंग्ल्यान्डलाई सुरुआती अग्रता दिलाएका थिए ।
५२ औं मिनेटमा फोडेनले गोल गर्दै इंग्ल्यान्डलाई २-० को अग्रता दिलाए ।त्यसपछि६८ औं मिनेटमा रासफोर्डले व्यक्तिगत दोस्रो र टिमका लागि तेस्रो गोल गर्दै जित दिलाए ।
जितसँगै इंग्ल्यान्ड समूह 'बी' को विजेता बनेको छ ।उसले ३ खेलमा ७ अंक जोड्यो ।
वेल्स भने १ अंक जोडेर पुछारमा रहदै प्रतियोगिताबाट बाहिरिएको छ ।
