काठमाडौं । काठमाडौं उपत्यका विकास प्राधिकरणले सरकारी र ऐलानी जग्गा अतिक्रमण गरेर बनाइएका सबै संरचना हटाउन ३५ दिने सूचना जारी गरेको छ ।
प्राधिकरणले आज सूचना जारी गरेर ३५ दिनभित्र सबै अनधिकृत संरचना हटाउन भनेको हो । काठमाडौं उपत्यकाभित्रका सरकारी, पर्ति, ऐलानी, तथा खोला किनारमा मापदण्ड विपरित अतिक्रमण गरी निर्माण गरिएका संरचना ३५ दिनभित्र हटाउन भनेको हो ।
३५ दिनभित्र अवैध संरचना आफैं नहटाए प्राधिकरणले हटाउने चेतावनी दिइएको छ । त्यसरी हटाउँदा लागेको खर्चसमेत सम्बन्धित व्यक्ति वा संस्थाबाट असुल गर्ने चेतावनीसमेत दिइएको छ ।
जग्गा अतिक्रमण गरेर थापाथलीको नदी किनारमा बसेका सुकुम्बासी बस्ती हटाउने विषयमा ठूलो बिवाद र बिरोध भएपछि प्राधिकरणले यस्तो सूचना जारी गरेको हो ।