काठमाडौं । समानुपातिक सांसद छनोटका लागि नेकपा एमालेको सचिवालय बैठक बसिरहेको छ । च्यासलस्थित पार्टी कार्यालय सचिवालयमा बैठक बसिरहेको छ ।
मंसिर ४ गते भएको निर्वाचनको नतिजा अनुसार संघीय संसद्मा नेकपा एमालेले प्रत्यक्षतर्फ ४४ सिट र समानुपातिक तर्फ ३४ सिट जितेको छ ।
बैठकले समावेशीसहित ३४ जना समानुपातिक सांसद चयन गर्नेछ । एमालेले हालै सम्पन्न निर्वाचनको समीक्षा पनि गर्ने बताइएको छ ।
निर्वाचन आयोगले राजनीतिक दलहरूलाई समानुपातिक सांसदको सूची पठाउन बुधबार नै पत्र पठाइसकेको छ ।