काठमाडौं । नेपाल आयल निगमले पेट्रोल, डिजेल र मट्टितेलको भाउ ३ रुपैयाँले घटाएको छ। निगमले आज राति १२ बजेदेखि लागु हनेगरी मूल्य समायोजन गरेको हो ।
निगमका अनुसार नयाँ मूल्य सूचीअनुसार पेट्रोलको भाउ १७५ र डिजेल तथा मट्टितेलको भाउ १७२ कायम भएको छ। यसैगरी हवाई इन्धनमा आन्तरिकतर्फ २० रुपैयाँ घटाइएको छ। एलपी ग्यासको भाउ भने यथावत छ।
यसअघि पेट्रोलको भाउ १७८ र डिजेल तथा मट्टितेलको भाउ १७५ रुपैयाँ थियो। प्रधानमन्त्री पुष्पकमल दाहाल प्रचण्डको निर्देशनपछि निगमले मूल्य घटाएको हो ।
मूल्य घटाउन निर्देशन दिन दिउँसो प्रधानमन्त्री प्रचण्डले निगमका कार्यकारी निर्देशक उमेश थानीलाई बालुवाटार बोलाएका थिए ।