काठमाडौँ । राष्ट्रिय स्वतन्त्र पार्टीकी सांसद इन्दिरा रानामगरले उपसभामुख पदमा उम्मेदवारी दर्ता गरेकी छन् ।
रानामगरले शुक्रबार अपरान्ह उपसभामुख पदमा उम्मेदवारी दर्ता गरेकी हुन् । उनलाई रास्वपाकी सांसद सोविता गौतमको प्रस्तावमा र एमालेका सांसद कृष्णगोपाल श्रेष्ठ, माओवादीकी नारायणी शर्मा र राप्रपाका सांसद राजेन्द्रप्रसाद लिङ्देन समर्थन गरेका छन् ।
सत्ता साझेदार दलबीच सभामुख एमाले र उपसभामुख रास्वपालाई दिने सहमति भए अनुसार इन्दिरा रानामगरलाई अगाडि सारेका हुन । सभामुखमा एमालेका देवराज घिमिरे निर्वाचित भैसकेका छन ।