काठमाडौं । राष्ट्रपति भवन शीतलनिवासमा दिवाभोज आयोजना भएको छ । राष्ट्रपति विद्यादेवी भण्डारीले उक्त दिवाभोजको आयोजना गरेकी हुन् ।
राष्ट्रपति विद्यादेवी भण्डारीले आज प्रतिनिधि सभाका सदस्यहरुलाई सितल निवास बोलाएकी छिन् । संघीय संसदमा सम्बोधन गरेको भोलिपल्ट राष्ट्रपति भण्डारीले सबै सांसदलाई शीतल निवासमा सांस्कृतिक कार्यक्रमका साथ दिवाभोगमा बोलाएकी हुन्।
प्रतिनिधिसभाका निर्वाचित सांसदलाई बधाइ तथा शुभकामना दिन राष्ट्रपति कार्यालय बोलाइएको हो । सबै राजनीतिक दलहरू नयाँ राष्ट्रपतिको उम्मेदवार चयन गर्ने छलफलमा केन्द्रित रहँदा कार्यकाल सकेर बिदा हुने अन्तिम समयमा रहेकी राष्ट्रपतिले सांसादहरुलाई शीतल निवास बोलाएकी हुन्।
भण्डारीको कार्यकाल फागुन २८ गते सकिँदै छ। नयाँ राष्ट्रपति चयनका लागि फागुन २५ गते चुनाव हुनेछ।