काठमाडौं । सिटी एक्सप्रेस मनि ट्रान्सफर, लोकप्रिय कमेडी सो 'मुन्द्रेको कमेडी क्लब'को मुख्य प्रायोजकको रूपमा रहने भएको छ । एक्सप्रेस मनि ट्रान्सफरको कार्यालयमा शुक्रवार मुख्य प्रायोजन सम्बन्धी सम्झौता भएको छ । कार्यक्रम चैत २ गते देखि बिहिबार बेलुकी ९ बजे नियमित रुपमा सिटी एक्सप्रेस मुन्द्रेको कमेडी क्लबको नामबाट कान्तिपुर टेलिभिजनबाट प्रसारण हुनेछ । युट्युबमा OSR Digital बाट प्रसारण हुनेछ ।
कार्यक्रमको मुख्य पात्रका चर्चित हाँस्य कलाकार जितु नेपाल र नायिका प्रियंका कार्की छन् । यस्तै दमन रुपाखेती, राजेन्द्र नेपाली ’लट्टे’, प्रभात लामा, दिनेश काफ्ले, श्याम राना, एलिना बाँस्कोटाकाो साथै अन्य कलाकारहरु पनि विभिन्न भागमा उपस्थिति रहनेछ । कार्यक्रमको निर्देशन दिनेश डि.सि.ले गर्नेछन् ।
सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउदै बिगत १६ वर्ष देखि संसारभरबाट विप्रेषण सेवा प्रदान गर्दै आइरहेको छ । सिटी एक्सप्रेसका देशभर १५,००० भन्दा बढि भुक्तानी केन्द छन ।
