काठमाडौं । नेपाल ल क्याम्पस स्वतन्त्र विद्यार्थी युनियन स्ववियुको सभापतिमा नेकपा माओवादी केन्द्रनिकट विद्यार्थी संगठन अखिल क्रान्तिकारीका विष्णु ढुंगेल निर्वाचित भएका छन्।
ढुंगेलले ५२ मतले अनेरास्ववियुका कैलाश तामाङलाई पराजित गरेका हुन्। अखिल क्रान्तिकारीले ल क्याम्पसको स्ववियुमा ३३ वर्षपछि जित निकालेको हो।
ढुंगेलले ५९१ मत प्राप्त गर्दा तामाङलाई ५३९ मत प्राप्त गरे यस्तै सचिवमा नेविसंघका मनोज सिंह (६०१) र कोषाध्यक्षमा अनेरास्ववियुका सन्ज्योति नेम्वाङ (४२३) निर्वाचित भएका छन्।
७ सदस्यमध्ये ५ सदस्य अनेरास्ववियुले जितेको छ। अनेरास्ववियुका समिर रिजाल, प्रियंका साउद, प्रज्ञा ज्ञवाली, शिरिष पौडेल र आशुतोष कुमार गुप्ता सदस्यमा निर्वाचित भएका छन्। यस्तै नेविसंघबाट अमृत ढकाल र सपना गौतम सदस्यमा विजयी भएका छन्।
