काठमाडौं । प्रधानमन्त्री पुष्पकमल दाहाल प्रचण्डले आफूले नियुक्तिको छोटो अवधिमै विश्वासको मत लिनुपर्छ भन्ने नसोचेको बताएका छन् ।
‘यति छिटै विश्वासको मत माग्नुपर्ला भन्ने सोचेकै थिइनँ ।’ सोमबार प्रतिनिधिसभा बैठकमा विश्वासको मत माग्दै उनले भने, सहमतिमा राष्ट्रपति चयन गर्नुपर्छ भन्ने मेरो प्रस्तावछि राप्रपा र एमालेका मन्त्रीहरुले राजीनामा दिनुभयो ।’
उनले एमाले र राप्रपाको निर्णय राजनीतिक र जिम्मेवार भए उनीहरुले जवाफ दिनुपर्ने बताए । ‘साथीहरुले आजका दिनसम्म पनि प्रधानमन्त्रीको गलत काम वा निर्णयले गर्दा विश्वासको मत फिर्ता लिनुपर्यो भन्नुभएको छैन’ उनले भने ।
