बिहीबार , वैशाख ६ गते २०८१
Logo
बिहीबार , वैशाख ६ गते २०८१

आज घोडे जात्रा पर्व मनाईंदै : काठमाण्डौ उपत्यकामा सार्वजनिक बिदा

आज घोडे जात्रा पर्व मनाईंदै : काठमाण्डौ उपत्यकामा सार्वजनिक बिदा

काठमाडौं । काठमाडौंमा आज घोडे जात्रा पर्व मनाईंदै छ । राष्ट्रपति एवम् नेपाली सेनाका परमाधिपति रामचन्द्र पौडेलको उपपस्थितिमा नेपाली सेनाले सैनिक मञ्च टुँडिखेलामा घोडेजात्रा पर्व मनाउन लागिएको हो । त्यस अवसरमा सैनिक मञ्चमा विविध अश्वकलाले भरिपूर्ण रोचक कार्यक्रम गरी घोडेजात्रा समारोहको आयोजना गरिने सैनिक जनसम्पर्क तथा सूचना निर्देशनालयले जनाएको छ।

साझा पोष्ट
मंगलबार, चैत ७ २०७९
  • images
    आज घोडे जात्रा पर्व मनाईंदै : काठमाण्डौ उपत्यकामा सार्वजनिक बिदा
    images

    काठमाडौं । काठमाडौंमा आज घोडे जात्रा पर्व मनाईंदै छ । राष्ट्रपति एवम् नेपाली सेनाका परमाधिपति रामचन्द्र पौडेलको उपपस्थितिमा नेपाली सेनाले सैनिक मञ्च टुँडिखेलामा घोडेजात्रा पर्व मनाउन लागिएको हो ।


    images
    images

    त्यस अवसरमा सैनिक मञ्चमा विविध अश्वकलाले भरिपूर्ण रोचक कार्यक्रम गरी घोडेजात्रा समारोहको आयोजना गरिने सैनिक जनसम्पर्क तथा सूचना निर्देशनालयले जनाएको छ। समारोहमा अश्वकलाअन्तर्गत दुई चरणमा टाङ्गन घोडा दौड, शो जम्प, झन्डोत्तोलन, ड्रिल राइड, घोडचढी आर्चरीलगायतका विविध रोमाञ्चक कलाहरू प्रदर्शन गरिने छ। 

    घोडेजात्रा अत्यन्तै पुरानो अनि सामाजिक जात्राका रूपमा प्राचीनकालदेखि नै काठमाडौं उपत्यकामा मनाइँदै आएको परम्परा हो। परापूर्वकालमा गुरुमापा नामक दैत्यमाथिको विजयका रूपमा मनाइन्छ घोडेजात्रा मनाउने गरिँदै आएको छ। 

    यहाँ दौडने घोडाको टापले त्यस दानवको आत्मालाई दबाउन मद्दत गर्नाका साथै जात्राले देशमा शुभमङ्गल ल्याउने विश्वास गरिन्छ। पाटनको एकल घोडेजात्रा लोकप्रिय जात्रा हो। 

    वैदिक सनातन संस्कारमा सबैभन्दा पुण्य प्राप्त हुने महान् यज्ञ नै ‘अश्वमेध यज्ञ’ हो, जसमा सैयौँका सङ्ख्यामा घोडाहरूलाई स्वतन्त्र गरिन्छ र ती घोडाहरू जहाँ–जहाँसम्म पुग्दछन् त्यहाँ शान्ति, सौहार्दता र आनन्द रहने विश्वास गरिन्छ। 

    सेनाले अत्यन्त बफादार अनि वेग समान कुद्न सक्ने घोडाको सम्मान अनि सहकार्यमा टुँडिखेलमा घोडेजात्रा मनाउँदै आएको छ। सो अवसरमा उपराष्ट्रपति, प्रधानमन्त्री, कामु प्रधानन्यायाधीश, सभामुख, राष्ट्रिय सभाका  अध्यक्ष, मन्त्रीगणलगायत विशिष्ट महानुभावको सहभागिता हुनेछ। 

    घोडेजात्रामा प्रयोग हुने ६६ वटा घोडामध्ये बग्गीका लागि १०, अश्वकलाका लागि ४६ र दौड विशेषका लागि १० वटा घोडा रहेको निर्देशनालयले जनाएको छ। जात्राको अवसरमा आज सरकारले काठमाडौं उपत्याकामा सार्वजनिक बिदा दिएको छ । रासस  

    प्रतिक्रिया हरु
    साताको लोकप्रीय
    थप समाचार