काठमाडौं । पूर्वराजा ज्ञानेन्द्र शाह र राप्रपाका शीर्ष नेताहरुबीच भेटवार्ता भएको छ । झापाको दमकमा उनीहरुबीच भेटवार्ता भएको हो । पूर्वशाहलाई भेट्न राप्रपा अध्यक्ष राजेन्द्र लिङ्देनसहितका नेताहरु दमक गएका हुन ।
बुधबार दिउँसो भएको भेटमा समसामयिक विषयमा कुराकानी भएको महामन्त्री धवलशम्शेर राणाले जानकारी दिए । भेटमा राप्रपा नेताहरु डा. प्रकाशचन्द्र लोहनी र रवीन्द्र मिश्र पनि सहभागी थिए ।
उपाध्यक्ष रवीन्द्र मिश्रले पूर्वराजालाई देशको मियो भन्दै भेटको तस्बिर सामाजिक सञ्जालमा राखेका छन् ।