काठमाडौं । एसियन क्रिकेट काउन्सिल (एसिसी ) ले अर्को महिना नेपालले हुने प्रिमियर कपको समूह र खेल तालिका परिवर्तन गर्दै सार्वजनिक गरेको छ ।
नेपालको समूहमा ओमान, कतार, मलेसिया र साउदी अरब छन् । यसअघि नेपाल, युएई र कुवेत एकै समूहमा थिए । समूह बी मा युएई, हङकङ, कुवेत, सिंगापुर र बहराइन छन् ।
प्रतियोगिता वैशाख ५ देखि १८ गतेसम्म हुनेछ । पहिलो खेलमा नेपालले वैशाख ५ गते मलेसियासँग खेल्नेछ । नेपालले दोस्रो खेल वैशाख ८ गतेओमानसँग टियुमा खेल्नेछ । नेपाल र ओमानबीचको ओडिआई मान्यता हुनेछ ।
नेपालले वैशाख ११ मा साउदी अरेवियासँग मुलपानीमा खेल्नेछ । नेपालले वैशाख १४ मा कतारसँग टियुमा खेल्नेछ ।सेमिफाइनल वैशाख १६ गते हुनेछ । फाइनल वैशाख १८ गते टियुमा हुनेछ । फाइनलको दिन पानी परेमा एक दिन रिजरर्भ डे राखिएको छ ।
प्रतियोगिताको विजेता टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछ । एसिया कपमा भारत र पाकिस्तानसँग खेल्न पाउनेछ । शीर्ष तीन टोलीले जुलाईमा हुने एसिसी इमर्जिङ टिम्स एसिया कप खेल्न पाउनेछन् ।
