काठमाडौं । नेपालको फिफा महिला वरियतामा सुधार भएको छ ।
विश्व फुटबलको सर्वोच्च निकाय फिफाले शुक्रबार सार्वजनिक गरेको नयाँ वरियता अनुसार नेपाल तीन स्थान माथि उक्लिएको छ ।
पहिले १०३ औं स्थानमा रहेको नेपाल नयाँ वरियतामा १०० औं स्थानमा छ ।एसियाली राष्ट्रको वरियतामा भने नेपाल २० औं स्थानमा छ । यस्तै दक्षिण एसियाली राष्ट्रको वरियता नेपाल दोस्रो स्थानमा छ । नेपाल भन्दा अघि रहेको भारत ६१ औं स्थानमा छ ।विश्व वरियतामा अमेरिका शीर्ष स्थानमा यथावत छ । यस्तै जर्मनी दोस्रो स्थानमा छ भने स्विडेन तेस्रो स्थानमा छ।
इंग्ल्यान्ड चौंथो र फ्रान्स पाँचौं स्थानमा छ ।त्यस्तै क्यानडा छैठौं, स्पेन सातौं, नेदरल्यान्ड्स आठौं, ब्राजिल नवौं र अष्ट्रेलिया १० औं स्थानमा छ ।