काठमाडौं । मिटरब्याजविरुद्ध प्रधानमन्त्रीलाई आवाज सुनाउन बर्दिबासबाट मार्च सुरु गरेका पीडितहरु आइतबार काठमाडौं उपत्यका प्रवेश गरेका छन् । महोत्तरीको बर्दिबास हुँदै चन्द्रनिगाहपुर, हेटौडा, भीमफेदी र चन्द्रागिरि हुँदै ८५ जना पीडित ११औं दिनमा काठमाडौं आइपुगेका हुन् ।
गत चैत २ गते महोत्तरीको बर्दिबासबाट पैदल यात्रामार्फत काठमाडौँ हिँडेका उनीहरू मिटरब्याजीविरुद्ध संघर्ष गर्न केन्द्रीय राजधानी काठमाडौँ आइपुगेका हुन् । आफ्ना माग पुरा नभएसम्म अब घर नफर्कने उनीहरूको भनाइ छ ।
आफ्ना माग सरकारले नसुनेपछि प्रधानमन्त्री समक्ष माग सुनाउन भन्दै उनीहरूले ११ दिनअघि महोत्तरीदेखि पैदल यात्रा सुरु गरेका थिए । आइतबार दिउँसो उनीहरू मातातीर्थको कुण्ड नजिकै रहेको पौवामा बसेका छन् ।
आइतबार बिहानै उनीहरू मकवानपुरको फाखेलबाट हिँडेर चन्द्रागिरि नगरपालिकाको मातातीर्थ आइपुगेको मातातीर्थ आइपुगेका हुन् ।