काठमाडौं । सर्जक प्रकाश न्यौपानेको शब्द तथा लोकगायक रामचन्द्र चन्द र गायिका समीक्षा अधिकारीको श्वर रहेको ‘घाँटी रेट्नलाई’ बजारमा आएको छ। ।
गीतमा प्रेम जोडीको वियोगान्त कथालाई मूख्य विषय बनाइएको छ। प्रेम र विश्वासमा घात गरेको र जुन प्रेमलाई सर्वस्व ठानेको त्यहि प्रेमले धोका दिएर घाटी रेटेको भाव समेटिएको गीतको म्युजिक भिडियोमा कलाकार चिरिञ्जीवी सापकोटा, यशु भट्टराई, अन्जना दुलाल र रोयल प्रिन्स सिंहको अभिनय छ।
गीतमा नन्दु परियारको संगीत छ । यस्तै उक्त भिडियोलाई सिर्जन बरालले निर्देशन गरेका हुन्। गीतलाई गायक स्वयम् चन्दको अफिसियल युट्युवमार्फत सार्वजनिक गरिएको छ।
प्रकाश न्यौपानेले हालसम्म लौ भन मेरो के लायो, मान्छे त काली काली हो, छिटै छोडौ गाउ, मायॅा सारै छ,बेईमान गर्ने धेरै भेटिन्छन, जता हेरेयो उतै हरियो, बल्ल चिन्नि छ्यौ जस्ता दर्जनौ गितमा शब्द लेखन एवं लय सृजना गर्दै आएका छन । गीतका रचनाकार पूर्व अंग्रेजी शिक्षक प्रकाश न्यौपाने हाल गृहमन्त्रालयमा कार्यरत छन् ।