काठमाडौं । फ्रेन्ड्स क्लबमाथि ४–१ को सहज जित निकाल्दै जावलाखेल युथ क्लब सहिद स्मारक ‘ए’ डिभिजन लिगको शीर्ष स्थानमा उक्लिएको छ ।
जितसँगै जावलाखेलले १७ खेलमा नौ जित, तीन बराबरी र पाँच हारको नतिजासहित ३० अंक जोडेको छ । एक खेल कम खेलेको चर्च ब्वाइजसँग बराबरी अंक भए पनि जावलाखेल ‘हेड टु हेड’ मा अघि छ ।
पराजय ब्यहोरेको फेन्ड्स १७ खेलमा पाँच जित, चार बराबरी र आठ हारसहित १९ अंकका साथ ११औं स्थानमा छ ।च्यासल मैदानमा बिहिबार सम्पन्न खेलमा जावलाखेललाई जित दिलाउन एनकोटो मासोबीले दुई तथा राहुल राहुल र फोडे फोफनाले समान एक गोल गरे । फ्रेन्ड्सका लागि श्यामबाबु क्याचकीले एक गोल फर्काए ।