काठमाडौं । मलेसियासँगको महिला टी–ट्वेन्टी सिरिजका लागि नेपालको प्रारम्भिक टोली घोषणा भएको छ ।
मलेसियाविरुद्धको ५ खेलको टी–ट्वेन्टी अन्तर्राष्ट्रिय सिरिजका लागि रुबिना क्षेत्रीको कप्तानीमा १८ सदस्यीय प्रारम्भिक टोलीको घोषणा गरिएको हो ।
सिरिज मलेसियाको घरेलु मैदानमा मे २९ देखि सुरु हुनेछ । दोस्रो खेल मे ३० मा खेल्दा जुन १ मा तेस्रो खेल छ ।जुन ३ मा चौथो र जुन ४ मा पाँचौ तथा अन्तिम खेल हुनेछ ।
पछिल्लो पटक नेपालले मलेसियामा नै गत बर्षको जुन १७ देखि २५ सम्म आयोजना भएको एसीसी महिला टी–ट्वेन्टी च्याम्पियनसिप खेलेको थियो ।गत वर्ष घरेलु भुमिमा युगान्डाविरुद्ध नेपालले ५ खेलको नै टी–ट्वेन्टी सिरिज खेलेको थियो । युगान्डाले सिरिज ३-२ ले जितेको थियो ।
