शुक्रबार, चैत १६ गते २०८०
Logo
शुक्रबार, चैत १६ गते २०८०

काभा महिला भलिबलमा सेमिफाइनल खेल आज, नेपालले कजाकस्तानको सामना गर्ने

काभा महिला भलिबलमा सेमिफाइनल खेल आज, नेपालले कजाकस्तानको सामना गर्ने

साझा पोष्ट
शुक्रबार, जेठ १२ २०८०
  • images
    काभा महिला भलिबलमा सेमिफाइनल खेल आज,  नेपालले कजाकस्तानको सामना गर्ने
    images

    काठमाडौं । काठमाडौंमा जारी काभा वुमन्स भलिबल च्यालेन्ज कपमा आज सेमिफाइनलका खेल हुँदैछन् । त्रिपुरेश्वरस्थित राष्ट्रिय खेलकुद परिषदको कभर्डहलमा भारत र उज्वेकिस्तान तथा घरेलु टोली नेपाल र कजाकस्तानबीच सेमिफाइनल खेल हुनेछ ।


    images
    images

    पहिलो सेमिफाइनलमा भारत र उज्वेकिस्तानबीच प्रतिस्पर्धा हुनेछ । दुई टोलीबीचको खेल दिउँसो २:३० बजे सुरु हुनेछ ।नेपालले दोस्रो सेमिफाइनलमा बेलुकी ५ बजे कजाकस्तानको सामना गर्नेछ । जारी प्रतियोगितामा सहभागीमध्येकै सबैभन्दा बलियो टोलीको रुपमा रहेको कजाकस्तान समूह ‘बी’ को विजेता बन्दै सेमिफाइनल पुगेको हो । यस क्रममा कजाकस्तानले ९ सेट जित्दा २ सेट मात्र गुमाएको छ । 
    घरेलु टोली नेपाल समूह ‘ए’ मा दुई जित र एक हारबाट समूह उपविजेता बन्दै सेमिफाइनल पुगेको हो । नेपालले प्रतियोगितामा ७ सेट जित्दा ३ सेट गुमाएको छ ।कीर्गिस्तान र बंगलादेशलाई सोझो सेटमा हराएको नेपाल भारतसँग प्रतिस्पर्धात्मक खेलमा ३–१ को सेटमा पराजित भएको थियो ।

    नेपालले उपाधि रक्षा गर्ने सम्भावना कायम राख्न कजाकस्तानलाई पराजित गर्नुपर्नेछ । ६ खेलाडीलाई पहिलो पटक राष्ट्रिय टिममा समावेश गरेको नेपालले काभा च्यालेन्स कपअघि आन्तरिक तयारी बाहेक कुनै अन्तर्राष्ट्रिय खेल खेलेको थिएन ।

    नेपालले उपाधि जित्ने सम्भावना कायम राख्न कजाकस्तानलाई पराजित गर्नुपर्नेछ । कजाकस्तानसँगको हारले भने नेपालको उपाधि जित्ने लक्ष्यसहित दोस्रो स्थान पनि गुम्नेछ । सेमिफाइनलमा पराजित भए नेपालले तेस्रो स्थानको लागि खेल्नुपर्नेछ ।
     

    प्रतिक्रिया हरु
    साताको लोकप्रीय
    थप समाचार