काठमाडौं । चारदिने भारत भ्रमणमा रहेका प्रधानमन्त्री पुष्पकमल दाहाल 'प्रचण्ड'सँग भारत सरकारका विदेश सचिव विनयमोहन क्वात्रा र सुरक्षा सल्लाहकार अजित डोभालले भेटवार्ता गरेका छन् ।
नयाँदिल्लीस्थित मौर्य होटलमा बसेका प्रधानमन्त्री प्रचण्डलाई क्वात्रा र डोभालले भेटेका हुन् । प्रधानमन्त्री प्रचण्डलाई बुधबार दिउँसो इन्दिरा गान्धी अन्तर्राष्ट्रिय विमानस्थलमा विदेश राज्यमन्त्री मिनाक्षी लेखीले स्वागत गरेकी थिईन् । प्रधानमन्त्री प्रचण्ड विमानस्थलमा स्वागतपछि होटल पुगेका थिए ।
तेस्रो पटक प्रधानमन्त्री बनेपछि प्रचण्डको यो पहिलो भारत भ्रमण हो । भ्रमण दलमा परराष्ट्रमन्त्री एमपी साउदसहित पाँच मन्त्रीहरू सहभागी छन् । दाहाल र उनका भारतीय समकक्षी नरेन्द्र मोदीबीच बिहीबार हैदराबाद हाउसमा दुई पक्षीय वार्ता हुने तालिका छ ।