काठमाडौं । प्रधानमन्त्री पुष्पकमल दाहाल प्रचण्ड चार दिवसीय औपचारिक भ्रमणका लागि भारत पुगेकै दिन राष्ट्रिय स्वतन्त्र पार्टीका सभापति रवि लामिछाने पनि भारत पुगेका छन् ।
प्रधानमन्त्री प्रचण्डको टोली भारतको राजधानी दिल्ली पुग्दा रवि लामिछाने भने पत्नी सहित मुम्बई पुगेका हुन् ।
रास्वपा प्रवक्ता समेत रहेका महामन्त्री डा।मुकुल ढकालले दिएको जानकारीअनुसार सभापति लामिछाने पत्नी निकिता पौडेलसहित व्यक्तिगत कामले भारतको मुम्बई गएका हुन् । यद्यपि उनको व्यक्तिगत काम के हो भन्ने कुरा चाहिँ खुलाइएको छैन ।
पूर्वगृहमन्त्रीसमेत रहेका रविले आफू भारत जाने भएपछि संसदीय दलमा कार्यवाहक नेताको जिम्मेवारी विराजभक्त श्रेष्ठलाई दिएका छन् ।
