काठमाडौं । मलेसियामा जारी नेपाल र मलेसियाबीचको महिला टि२० आई सिरिज अन्तर्गतको तेस्रो खेलमा नेपालले मलेसियामाथि २७ रनको जित हात पारेको छ । नेपालले लगातार दोस्रो जित निकालेपछि पाँच खेलको सिरिजमा २(१ को अग्रता लिएको छ ।
१ सय ११ रनको विजयी लक्ष्य पछ्याएको मलेसियाले निर्धारित २० ओभरमा ४ विकेट गुमाउँदै ८३ रन मात्रै बनाउन सक्यो । मलेसियाको लागि महिराह इजाती इ सर्वाधिक नटआउट ४४ रनमा बनाइन् ।
नेपालका लागि इन्दु बर्मा, सीता रानामगर र कविता कुँवरले समान १,१ विकेट लिए ।
त्यसअघि टस हारेर पहिला ब्याटिङ गरेको नेपालले निर्धारित २० ओभरमा ५ विकेट गुमाउँदै १ सय १० रन बनाएको थियो ।
