काठमाडौं । नेकपा एमालेको सचिवालय बैठक केन्द्रीय कार्यालय च्यासलमा बसिरहेको छ ।
एमाले अध्यक्ष केपी शर्मा ओलीको पनि उपस्थितिमा सचिवालय बैठक मध्यान्ह पौने १२ बजेदेखि सुरु भएको हो। बैठकमा समसमायिक राजनीतिक अवस्था र पार्टीको आन्तरिक जीवनबारे छलफल हुने छ।
एमालेले यो बैठकमा प्रधानमन्त्रीको भारत भ्रमण, बजेटबारे समीक्षा, संसदीय समिति, पार्टी गतिविधि र संसद्मा भूमिकाबारेसहितमा चर्चा गर्ने बताइएको छ।यसअघि गत वैशाख २८ देखि ३० गतेसम्म एमालेको केन्द्रीय समितिको बैठक बसेको थियो।