काठमाडौं । राष्ट्रिय स्वतन्त्र पार्टीकी सांसद सोविता गौतम विवाह वन्धनमा बाँधिएकी छन् । उनले प्रेमी गृहेन्द्र घिमिरेसँग सुटुक्क लगनगाँठो कसेकी हुन् ।
विवाहपश्चात दुवैजना जापान लागेका छन् । सोविताले आफू केही दिनका लागि जापान जान लागेको पार्टीलाई जानकारी गराएकी थिइन् ।
चितवन घर भएका गृहेन्द्र विगतमा माओवादीमा थिए र अहिले उनी नी व्यवसायमा छन् । घरमा पूजा लगाएका बेला सानो जमघटमा उनीहरु प्रणयसुत्रमा बाँधिएको बताइएको छ ।
सांसद गौतम संसदमा निकै सक्रिय हुने सांसद मध्ये पर्छिन् । उनले आफ्नो क्षेत्र, जनजीविका नीतिगत विषय संसदमा उठाउने गर्छिन् ।
