चीनका पूर्व प्रधानमन्त्री ली खछ्याङको निधन भएको छ। शुक्रबार बिहान सांघाईमा हृदयाघातको कारण उनको निधन भएको चिनियाँ सञ्चार माध्यमले नजाएका छन्। लीलाई बिहीबार अचानक हृदयाघात भएपछि स्थानीय अस्पतालमा भर्ना गरिएको थियो। उपचारकै क्रममा स्थानीय समय अनुसार गए राति १२ः१० उनको मृत्यु भएको हो। ६८ वर्षीय ली चिनियाँ कम्युनिस्ट पार्टीको १७ औँ, १८औँ र १९औँ केन्द्रीय समितिका राजनीतिक ब्यूरोका स्थायी समिति सदस्यसमेत थिए। सन् २०१२ मा भएको चिनियाँ कम्युनिस्ट पार्टीको १७औँ महाधिवेशनबाट महासचिव चयन भएसँगै सी चिनफिङ बेइजिङको मुख्य नेतृत्वमा उदाएका थिए। सीले आफु राष्ट्रपति भएसँगै लीलाई प्रधानमन्त्रीको जिम्मेवारी दिए। सी दुई कार्यकाल राष्ट्रपति रहँदा ली पनि दुई कार्यकाल नै प्रधानमन्त्री रहे। पार्टीको शक्तिशाली स्थायी समितिमा सीपछि ली दोस्रो वरियताको नेता बनेका थिए ।
Free and Fair Media Nepal Pvt. Ltd. [email protected] सूचना विभाग दर्ता नं. 1414/075-76
प्रकाशक \ सम्पादक दीपेन्द्र कुँवर
© 2024 All right reserved to sajhapost.com | Site By : SobizTrend