TAG
फाइल फोटो काठमाडौं, १८ असोज । सरकारले पहिरोको जोखिम भएका ठाउँहरुलाई लक्षित गर्दै पूर्व सूचना प्रणाली विस्तार गर्ने भएको छ । नेपालको विभिन्न क्षेत्रहरु पहिरोको दृष्टिकोणले जोखिम भएकाले बाढी आएको सूचना दिनेजस्तै पहिरोको सूचना दिने प्रणालीको विस्तार गर्न लागेको हो । पूर्व सूचना प्रणालीको परिक्षणको रुपमा दोलखा र नुवाकोटमा यो प्रणाली प्रयोग गर्न सुरु गरिसकिएको छ । प्रणाली प्रभावकारी देखिएकाले अब देशभरी नै विस्तार गर्ने योजना बनाईएको वन तथा भूसंरक्षण विभाग अन्तरगतको संरक्षण तथा प्रविधि विकास शाखाका प्रमुख प्रकाश सिंह थापाले जानकारी दिए । यो प्रणालीले पहिरोको जान लागेका ठाउँको जानकारी दिने र जनधनको रक्षा गर्न सहयोग पुर्याउने उनको भनाई छ । यो प्रणाली लागू गर्न चाहने स्थानीय तहहरुले बार्षिक कार्यक्रममै राखेर प्रयोग गर्न आवश्यक रहेको विभागले जनाएको छ । पहिरोको जोखिम रहेका बस्तीहरुको लागि यो प्रविधि उपयुक्त हुने प्राविधिकहरुको भनाई छ ।
Rupee Exchange Rate