काठमाण्डौ । एएफसी एसियन कप छनोटको तेस्रो चरणमा नेपालले लगातार  दोस्रो हार व्यहोरेको छ ।शनिबार राति भएको खेलमा नेपाल आयोजक कुवेतसँग ४-१ गोल अन्तरले पराजित भएको हो । कुवेतको जाबिर अल अहमद स्टेडियममा घरेलु टोलीलाई जित दिलाउन युसेफ अलसुलिमानले दुई गोल गरे । यस्तै फाहद अल्रेशिदी र मोबारक अल्फानिनीले एक एक गोल गरे । नेपालका दर्शन गुरुङले एक गोल फर्काए । यस हारसँगै नेपालले २ खेलमा अंक जोड्न सकेको छैन । छनोटको समूह 'ए' मा रहेको नेपाल अंक विहीन रहदै पुछारमा रहेको छ । कुवेत २ खेलमा ३ अंक जोडेर तेस्रो स्थानमा छ । अन्तिम खेलमा इन्डोनेसियासँग ३१ जेठमा खेल्नेछ ।