काठमाडौं । प्रधानमन्त्री शेरबहादुर देउवाको अमेरिका भ्रमणका क्रममा कुनै सम्झौता नहुने भएको छ । पाँच दलीय सत्ता गठबन्धनको बालुवाटारमा बसेको बैठकले देउवाको अमेरिका भ्रमणमा कुनै सम्झौता नगर्ने सहमति गरेको हो । बैठकमा अमेरिकामा हुन लागेको कार्यक्रममा सहभागी हुन जाने तर, प्रधानमन्त्रीले कुनै समझदारी नगर्ने सहमति भएको हो।
अमेरिकी सैन्य रणनीति स्टेट पार्टनरसीप प्रोग्राम (एसपीपी) सम्झौता मस्यौदामा हस्ताक्षर गर्न नेपाली सेना र नेपाल सरकारलाई अमेरिकी सेनाले ताकेता गरेपछि प्रधानमन्त्रीलाई अमेरिका भ्रमण नगर्न संसदीय समितिले सुझाव दिएको थियो । प्रधानमन्त्रीले उक्त सुझावलाई पालना नगरी भ्रमणमा जाने निर्णय गठबन्धनबाट अनुमोदन गराएका हुन्।