काठमाडौं । नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतमले आज नयाँ राजनीतिक दल खोल्ने घोषणा गर्नेभएका छन् । नेकपा विभाजित भएपछि तटस्थ रहँदै आएका नेता गौतमले आज दिउँसो पत्रकार सम्मेलन गरेर नयाँ दलको घोषणा गर्न लागेका हुन् ।
नेकपा एमालेका तत्कालीन महासचिव मदन भण्डारीको जन्मदिन पारेर नेता गौतमले नयाँ दल खोल्न लागेका हुन् । नयाँ दल घोषणाका लागि आज दिउँसो ३ बजे पत्रकार सम्मेलन राखिएको एकता राष्ट्रिय अभियानका प्रचार विभाग प्रमुख निमकान्त पाण्डेले जानकारी दिए । नेता गौतमले पछिल्लो समय वाम एकताको वकालत गर्दै आएका छन ।