काठमाडौं । अमेरिकी पूर्व राष्ट्रपति डोनाल्ड ट्रम्प पक्राउ परेका छन् । उनलाई प्रहरी हिरासतमा राखेको अन्तर्राष्ट्रिय सञ्चारमाध्यमहरूले जनाएका छन् ।
उनिमाथि ३४ वटा जघन्य अपराधका मुद्दा दर्ता भएकाछन् । तर उनले आफूमाथि लागेका आरोप अस्वीकार गर्दै आएका छन् । म्यानहटन अदालतमा उपस्थित गराइँदा उनले आफूले कुनै अपराध नगरेको बताएको बीबीसीले जनाएको छ ।
उनि आफै अदालतमा पुगेका थिए र उनलाई अदालतमा बयान सुरु हुनु अघि नै प्रहरी हिरासतमा राखेको थियो । अदालत पुगेपछि उनलाई पक्राउ गरिएको जानकारी गराइएको थियो ।
उनी आपराधिक आरोपको सामना गर्ने पहिलो अमेरिकी राष्ट्रपति हुन्। एक पोर्न स्टारलाई रकम दिएर अपराध लुकाउन प्रेरित गरेको मुख्य आरोप ट्रम्पलाई लागेको छ ।
म्यानहट्टन अदालतमा न्यायाधीश जुआन मार्चानको अगाडि उनले आफूले कुनै अपराध नगरेको बताए । उनले राज्यले आफूलाई पटक पटक गलत आरोप लगाएर गैर नागरिकलाई जस्तो व्यवहार गरेको गुनासो गरेका छन् । कुनै प्रमाणविना सन् २०१६ देखि नै आफूमाथि नियोजित आक्रमण भइरहेको उनको भनाई छ ।