एजेन्सी । जापानी प्रधानमन्त्री फुमियो किशिदाको कार्यक्रममा बम विस्फोट भएको छ । जब प्रधानमन्त्री फुमियोले भाषण दिइरहेको समयमा स्मोक बम आक्रमण भएको थियो ।
प्रहरीले घटनास्थलबाट एक जनालाई पक्राउ गरेको छ । आक्रमणमा प्रधानमन्त्री फुमियो भने सुरक्षीत छन् ।
जापान टाइम्सका अनुसार प्रधानमन्त्री फुमियो किशिदाले वाकायामा सहरमा आफ्नो भाषण सुरु गर्नुअघि नै विस्फोट भएको हो। स्मोक बम फालेपछि वरपर धुवाँको मुस्लो भएको थियो ।
घटनाको भिडियोमा घटनास्थलमा जम्मा भएका मानिसहरु सकुशल भाग्न दौडिरहेको देख्न सकिन्छ । यसैबीच सुरक्षाकर्मीले एक जनालाई पनि पक्राउ गरेको छ ।
