काठमाडौं । भारतको छत्तीसगढ राज्यको दन्तेवाडा जिल्लामा बुधबार नक्सलवादीको आक्रमणमा परेर १० जना प्रहरी मारिएका छन्।
नक्सलवादीको हमलामा डीआरजी (जिल्ला रिजर्भ गार्ड) का १० जना जवान मारिएका हुन्। यो घटनामा एकजना चालकको पनि ज्यान गएको छ ।
जिल्लाको अरनपुर थाना क्षेत्रमा नक्सलवादीले प्रहरीको गाडीलाई एम्बुसमा पारेका हुन। सुरक्षाकर्मीको यो गाडी बर्षातका कारण फसेका अन्य सुरक्षाकर्मीको उद्धारमा जाँदै थिए।
यसक्रममा नक्सलवादीले घरेलु विस्फोटक पदार्थले आक्रामण गर्दा पुलिस सवार गाडी हावामा उडेको थियो।
विस्फोट भएको ठाउँमा १२ फिट गहिरो खाडल परेको भारतीय संचार माध्यमले जनाएका छन् ।
